Gogora ekarri behar da % 50eko hobaria aplikatzen jarraituko dela txanpon-txartelekin eta aldi baterako abonuekin ordaintzen diren bidaietan: Estatuko Gobernuak onartu zuen % 30eko deskontua, IMk egiten duen % 20ko deskontuarekin osatzen dena. Horrenbestez, tiket arrunta eta San Fermin jaietako tiket arrunt berezia, eskudirutan ordaintzea ekartzen dutenak berekin, dira hobaria izango ez duten bakarrak.

Neurri honek Eskualdeko Hiri Garraioaren erabilera sustatzeko bidea emango du. Behin betiko datuak jakitea falta den honetan, garraio horrek bere errekor historikoa lortu zuen 2023an, 42,5 milioi bidaia baino gehiago eginda. Zenbatesten denaren arabera, 2023an egin ziren bidaien % 87k hobaria jaso zuten neurri horren arabera, eta horrek lagundu zuen bidaia-kopurua emendatzen eta % 4,8 gainditzen 2019an erregistratu zen kopuru maximoa, 40.639.355 bidaiakoa.