Sistema informatikoetako mantentze lanek garraioko webguneari (infotuc.es) eta “Tu Villavesa” aplikazioari eragingo diete, larunbatean eta igandean, martxoak 22 eta 23.

Garraioaren kontzesioa duen enpresaren (TCC) sistema informatikoetako mantentze lanen ondorioz, heldu den larunbateko 09:00etatik (martxoak 22) igandeko 23:00etara (martxoak 23) ez da eskuragarri egongo Iruñerriko hiri garraioko informazioa denbora errealean.

Gertakariak, hain zuzen, hauei eragingo die: garraioko webgunean (www.infotuc.es) denbora errealean ematen den informazioari, sakelako telefonoetarako “Tu Villavesa” aplikazioan ematen den informazio berberari, eta zutoinetan eta markesinetan QR kodeen bidez lortzen diren denbora errealeko estimazioei. Nolanahi ere, mantentze lan horiek ez diete eragingo markesinetako pantailetan iritsiera denborei buruz dauden estimazioei, eta garraioko webguneak operatibo jarraituko du Eskualdeko Hiri Garraioko lineen gaineko informazio estatikoa emateko.

Hurrengo astelehenean, hilak 24, berriro ere martxan egongo da denbora errealeko informazioa.