Albisteak

Larunbatean hasiko dira aldaketak, 19:00etan, eta igandera bitarte luzatuko dira, gutxi gorabehera 01:00etara arte.

PDF

Heldu den ekainaren 17an, larunbatarekin, Sanfermin maratoia eginen da, eta, ondorioz, zenbait linearen ibilbideak eta ordutegiak egokituko ditu Eskualdeko Hiri Garraioak; zehazki, eguneko 16 lineatan eta gaueko 7 lineatan eginen dira aldaketak. Zehatz-mehatz, eguneko linea hauetan eginen dira aldaketak: 3, 4, 5, 6, 7, 8, 9, 10, 11, 12, 14, 15, 16, 17, 18 eta 21. Gaueko zerbitzuari dagokionez, honako linea hauetan izanen dira aldaketak: N1, N2, N3, N4, N7, N8 eta N9.

Iruñerriko Mankomunitatea eta TCC elkarlanean ari dira joan den urtarrilaren 24az geroztik Nafarroako Gobernuko Osasun Departamentuarekin, osasun zerbitzu publikoen erabilera eraginkorragoa bultzatze aldera.

“Arazoa beti berdina ez bada... irtenbidea ezta ere” goiburuarekin, erabilgarri dauden zerbitzu-aukerei buruzko informazioa eman nahi da, haiek beharren arabera eta modu arduratsuan erabil daitezen.
Eskualdeko Hiri Garraioak babesa erakutsi nahi die esparru horretan egiten diren jarduera guztiei, eta kausa hori zabaltzen ere lagundu nahi du.

Ibilgailuen flotan jada badauden sei autobus hibridoei hiru gehitu zaizkie gaur

Mankomunitateak eta TCC enpresak (Transports Ciutat Comtal) balantze positiboa egin dute autobus hibridoek zerbitzua eman duten lehen urteaz –lau ibilgailu sartu ziren flotan 2015eko uztailean, eta beste bi 2016ko uztailean–, kontsumoak murriztu direla egiaztatu eta gero. Hedabideen aurrean egin duten ekitaldian, Iruñerriko Mankomunitateko lehendakaria, Aritz Ayesa, eta Moventia taldeko kontseilari delegatua, Josep María Martí, izan dira.

Aurreko urteetan bezala, linea gehienek eguneko 24 orduetan emango dute zerbitzua, etenik gabe.
Prest daude Eskualdeko Hiri Garraioak hurrengo sanferminetan izango dituen ordutegiak, maiztasunak eta ibilbideak, eta garraioko zerbitzuaren webguneko lotura honetan kontsultatu daitezke.

Ordutegiak

Irteerak Hiriaren Erdigunetik

Iruñean heldu den maiatzaren 13an ospatuko den Bidezko Merkataritzaren Nazioarteko Eguna dela-eta, zenbait bakarrizketa eskainiko dira Iruñeko zenbait autobus-lineatan, maiatzaren 8tik 12ra bitartean.

Bakarrizketak bidezko merkataritzaren gaineko sentsibilizazioa lantzen saiatuko dira, jantzi, teknologia eta elikagaien sektoreetan.

Heldu den maiatzaren 13an, larunbatarekin, Bidezko Merkataritzako Partzuergoak antolatutako jarduera gehiago eginen dira Iruñeko Sarasate pasealekuan, 11:00etatik 20:30era.
Honako webgune honetan kontsulta daiteke ekitaldien agenda osoa: www.comerciojusto.org.

Aurreko urteetan bezala, Eskualdeko Hiri Garraioak zenbait aldaketa aplikatuko ditu San Saturnino jaieguna dela eta.
Astelehen eta astearterako, honako zerbitzu hau programatu da:

• Hilaren 28tik –astelehena– 29ra –asteartea– bitarteko gauean, jaiegunen bezperetako gaueko ordutegia aplikatuko da.
• Hilaren 29an, asteartea, larunbatetako eguneko zerbitzua aplikatuko da linea guztietan.