Albisteak

21 hirien artean egindako txosten bat da eta, bertan, Iruñeak lehendabiziko postua partekatzen du Bilborekin eta Logroñorekin

Kontsumitzaile eta Erabiltzaileen Organizazioak (OCU) 21 hiritako garraio publikoaren gaineko txosten bat kaleratu berri du, eta, bertan, Iruñea horietako hoberenetako bat dela ziurtatzen da, Bilborekin eta Logroñorekin batera

Txostenak 252 autobus, 21 metro, 10 aldiriko trena eta 8 tranbia línea aztertu ditu, osotara. Hiru esparru kontuan hartu ditu: puntualtasuna, markesinetan kokaturik dauden pantaila digitalen fidagarritasuna eta autobusetan ibiltzen den jende kopurua. Iruñean eguneko 24 lineatik 21 aztertu ditu.

MUGIKORTASUNAREN HILABETEA

FAMILIARTEKO BIZIKLETA-IBILALDIA

Larunbatean, haur eta familiendako ibilaldia eginen da hirian barna; Antoniutti parketik abiatuko da 10:30ean, eta toki berean amaituko, 12:00etan. Ibilaldia 8 kilometrokoa izango da gutxi gorabehera, eta ahalik eta zailtasun gutxien izateko diseinatu da. Itzulitakoan, parte-hartzaileek Antoniuttin zain izango dituzte eduki ezberdinetako haur-lantegiak, jolasak, puzgarriak eta ziklo-tren bat.

Irteera eta helmuga: Antoniutti parkea

Data: irailak 15, larunbata. 10:30.

Programa osoa

1, 7 eta 9 lineen ordutegi batzuk aldatuko dira egun horretatik aurrera, eskarira egokitzeko.

Irailaren 3an, astelehenean, Eskualdeko Hiri Garraioa neguko ordutegira bueltatuko da. Horrela, uda amaituta eta ikasturtearen hasierarekin bat eginez, zerbitzua Iruñeko eskariaren profilera egokituko da.

Zerbitzuari buruzko informazioa sareko zutoin eta markesinetan dago.

Abenduaren 20an, osteguna, eta 21ean, ostirala, gaueko linea guztien ordutegia luzatuko da

Eskualdeko Hiri Garraioaren gaueko zerbitzuak ordutegia aldatuko du abenduaren 20 eta 21ean, herritarren joan-etorriak garraio publikoan errazte aldera eguberri aurreko ohiko enpresa-afarien ondoren.

Burlatan, Atarrabiako etorbidearen 1.ean, Iturrondo enplegu-agentzia integrala zabaltzea da arrazoia.

Burlatan, Atarrabiako etorbidearen 1.ean, Iturrondo enplegu-agentzia integrala zabaldu behar dutela-eta, heldu den astelehenetik aurrera, azaroak 5, Eskualdeko Hiri Garraioko 7. lineak (Atarrabia – Txantrea –
Barañain) bi geraleku gehiago izango ditu udalerri horretan, zentro horren inguruetan. Zehazki, geralekuak Mugazuri Industrialdea eta Bizkarmendia kaleen arteko elkargunean egongo dira.

OSUR-EK HIRI ZERBITZUEI BURUZ EGIN DUEN LEHENENGO GOGOBETETZE-BAROMETROAREN ARABERA

Inkestari erantzundakoek % 87ko oniritzia ematen diete ibilgailuen garbitasun eta kontserbazioari eta auzoetako irisgarritasunari.

Nafarroako garraio publikoak inkestatuen % 67aren gogobetetzea du, estatuko % 59ko batez bestekoaren aldean, Ipsos-ek egin zuen inkesta baten bidez Hiri Zerbitzuen Behatokiak (OSUR) egindako azterlan baten arabera.